التصنيف الشعر الشعبي

سلامي على اللي ما تغير مع الأيام * رفيق بقا، ما غير الليل منهاجه بعيد الهقاوي، فالوازم ذرى وحزام * وجه يبشر بالسعد يفرد حجاجه أجزل جزيل أكرم كريم وسبع أنعام * تلقاه دايم إذا بغيته وتحتاجه

جلب الوجيه الغانمة عند الوضيع * صلاه عكس القبلة وذنب جهرما يستوي قدر السنافي واللكيع * كلٍ بفعله له مكان وقدر

حنا الضياغم والعدو للمهونة منهو يتحاقرنا نفضخ عيونه ناطا على خشمه ونكسر سنونه نحفر له القبر الجماعي وندفن حنا سناعيس الفخر عكف الأشناب حنا سناعيس الكرم عز الأنساب حنا سناعيس السعد يوم الأنشاب حنا سناعيس ولا من تهاون

يا جاهل، الدنيا تماثيل وضحوك * تخلص معك فترة وفترة تخونك ناسٍ ترقدهم ليالي على الشوك * وناسٍ على اللذات ما يذكرونك وناسٍ عليهم باب الارزاق مصكوك * وناسٍ وراك وناسٍ لا شك دونك هذي حياة الناس انسات وصكوك *…

صرت شايب وروحي على الحلوة ترف واللي يكبر عمره يثقل وانا اعقل واستخف وموش يا هو جان ادور دورة العين الوسيعة وشگره (شقرأ) وام شامة وزلف و لو ما أحب الغرور بس حسافة العمر يقضي بلاية شوگ (شوق) وولف

راشد الخلاوي يقول: نعد الليالي والليالي تعدنا والأعمار تفنى والليالي بزايد الى دقت الوسطى بالأبهام تذكرت زمان مضى ما هو لمثلي بعايد وطرفة بن العبد: أرى العيش كنزاً ناقصاً كل ليلة ٍ وما تَنقُصِ الأيّامُ والدّهرُ يَنفَدِ

هذا زمان الگلب والنيص والداب ما هو زمان الحر والسبع والذيب وقت على الأجواد كشر الانياب حافين سراهم بحر اللواهيب  الاجودي يغلق على وجهه الباب والعفن يقلط بالهلا والتراحيب الناس خاوو كل ساقط وكذاب والصادق الطيب ولا له اصاحيب  حتى القرابة بعضهم صاير ذناب للاجنبي طروش ومناديب

مو كل تلفون يرن بالبشارة مو كل صباح يجيب الخير ابو سالم رحل وما غير أخباره ودعناه بالصلاة دون الركوع بتكبير اخذ معاه الشموخ واسراره ما ترك لنا غير ذكرى وتقدير تربيت بخير ابوه وسكنت بداره بيت الكرم موقف السادة طوابير مرت الايام واشتريت سيارة وخاويته ودعمنا في زحمة السير وتخاوينا اول الثمانين بطياره وسكنا بر دبي عند زايد الخير عمرت الشيشة والفحم طار بشراره وانطرك تمر وتسلم على المسايير يرحمك ربي باعداد ما هلت امطاره وبعداد ما تطلع الشمس ويغرد الطير

اشرقي يا شمس من غرب خليها تقوم وعلني للكون كله مراسيم الختام ما بقى فيها من العمر مالي به لزوم عقب الانذال قاموا يهينون الكرام اصبح الطيب يعامل معاملة الرخوم وراعي المال الحرام يتباها بالحرام والاخو للأخوة معاد يبدي بالهموم والثقة بين الناس ضاعت وضاع الاحترام وما بيجري في النهاية بيجري للعموم ويش يفرق عشت له عام ولا ألفين عام