Posts in category: الشعر الشعبي

لا تلتفت لضاق صدرك لمخلوق * ناج اللي يعلم خفايا ضميرك الله على سبع السماوات من فوق * يقدر برمشة عين يقلب مصيرك مهما تشوف الهم والغم والعوق * اللي يدير الكون يقدر يديرك يفتح من أبواب الفرج باب مغلوق * يغنيك عن فزعة أخوك وعشيرك

أشتر فراق أهل الردى بالدنانير * لو تنقص أموالك وتكثر ديونك ولا تتعب أقدامك بكثر المشاوير * وانت بقفاك اتعرف ما يشتهونك ما جوك يوم ان المصايب طوابير * والحين لا ضاقت عليهم يجونك لا تصير ويا الناس مثل الاصنصير * اتشيلهم واليا اصعدوا ما يبونك

الطيب مثل النايفات الشواهيق ما هو بضاعة من بغاها شراها والمرجلة من عند ربي توافيق ما كل من دور عليها لقاها ___________ يا شين ميزان العدالة ليا مال وقام الردي يذكر مناقيد فينا اللي قبل من فعلنا صار رجال تال الزمن قام يتمرجل علينا

أثنين جَنب عنهم وأبعد إخطاك * لو ما تخاوي بالعمر غير ظلك اللي تسوي به جماله وينساك * واللي يسوي بك جميل ويذلك

أرقد عسى نومك يجيه الكوابيس * ارقد عسى بنومتك ماتهنى؟؟ عساك ماتلقى رفاقه موانيس * وعساك دايم في حياتك معنى وتعيش بين العرب كنك ابليس * وتضيق فيك الارض منا ومنا وتظلم عليك الأرض وبيدك فوانيس * والكل في حزنك ضحك ثم غنا

تدري وش اللي ماتجي بالملايين * " العافية " لا صرت محروم منها وتدري وش اللي حدّها حدّ سكين * " الحاجة " اللي ما انت قاوي ثمنها وتدري وش اللي ماتوّفي لها الدين * " اللي غذتك بصغر سنّك لبنها " وتدري وش اللي راجحه بالموازين * " سجدة " سحر لا نامو ال ...

يا ليت لو عندي خمسة ملايين * وبيت على خط المدينه بحائل وأربع مواتر كل ابوها صوالين * وأربع سواويق ونت وموبايل وبشت حساوي قيمته فوق الألفين * وأربع حريم من بنات الحمايل هاذي امنياتي يارفيقي من سنين * بس الحقيقه حظنا دوم مايل