من يرخص أخوانه وطوه الرجاجيل والناس لاشافوه يستضعفونه .
بأخوك لا تسمع هل القال والقيل ترى الأخو لا راح ما يعوضونه .
وإليا خطأ بحقك وزعّلك بالحيل قول الخطأ وارد وتكرم عيونه .
أرض القطاعة ما وراها محاصيل وعرق القطع مكروه لو يزرعونه .
لو يزعلك بالصبح لا تنطر الليل أبلع غضبك وكلّمه في ليونه .
يا مقاطعين أخوانكم بالمواصيل بكرى الرحم بعيالكم تقطعونه .
لو الأخو سلعة وتشرى تساهيل بس الأخو بالسوق ما يعرضونه .
من الندم بكرى تجر المواويل لاشفتهم وسط القبر يدفنونه .
كل شيء يتعوض بالليال المقابيل إلا الأخو لاراح ما يعوضونه
تركي عواد