أبوذية ودارميات عراقية

انه مليت لبس الچرد و رث

مثل جمرة زقارة القلب ورث

الغني من مات مال وجاه ورث

وانه المرحوم ورث دينه لية

ذلولي ناحر الوديان ماچل

ويريد يشوف طير الطاير ماچل

لا هو لازم العنقود ماچل

ولا هوه ابتعد عني

ذلولي ما يجد السير بنحاش

علي اللي من وجنته الورد ينحاش

لو ان كل التريده الروح ينحاش

ابد ما ضلت العلة خفية

ذلولي نحر بيه البيد يسعه

ثقل همي ولا لي صدر يسعه

اليغص بالزاد للماي يسعه

وانه بالماي اغص شلون بية

هاك القلب ما رايد وصل بيه

وخدك صبح محرابي وصل بي

وربك لو ألف حية وصل بي

اجيك ولا اهاب من المنية

منهو البللك يا جفن ونداك

غدوو ما يسمعون ابجاك ونداك

لو ان همي بجبل چا ساح وندك

تشضه وكل كتر منه بنحية

شوية افتكر يا مغرور وصفن

ترى الدنيا ظلام ونور وصفن

ليالي الفرح مهما زهن وصفن

الكدر لا بد يداورهن بچیه

مكتوبك نسويه من يوصل احروز

يا عذيبي تالي الليل والدنيا تموز

شِيتودي ما أثق بيك و ما تُوفي بعدين

الكوفة چم مكتوب ودت للحسين

القال، بفرد تابوت نتمدد اثنين شو ينشد الجناز ميتكم منين

إلي خليته قبلي يفوت خل يفتهمها من تسرح الرعيان تزبر غنمها