ﻳﺎ ﻣﺮﺳﻞ ﻣُﺤﻤﺪ ﺑﻌﺪ ﻋﻴﺴـﻰ ﺍﻟﻤﺴﻴـﺢ *** ﺍﻟﻠﻲ ﻧﺼﻠﻲ ﻟﺠـﻞ ﻫﻴﺒﺘـﻚ ﻭﻧﺼـﻮﻡ
ﻳﺎﻭﺍﺣـﺪ الأرزاق ﻋﻨـﺪﻙ ﻣﺎﺗﺒﻴـﺢ *** ﺗﺤﻂ ﻟﻲ ﻗﺴﻢٍ ﻣـﻦ ﺧﻴـﺎﺭ ﺍﻟﻘﺴـﻮﻡ
ﻭﺗﻜﺸﻒ ﻟﻲ ﺍﻟﻘﻠﺐ ﺍﻟﻤﻠﻴﺢ ﻣﻦ ﺍﻟﻘﺒﻴـﺢ *** ﺣﻴﺚ ﺍﻥ ﻭﺟﻴﻪ ﺍﻟﻨﺎﺱ ﻣﺎﻓﻴﻬـﺎ ﻭﺳـﻮﻡ
ﻭﻭﺩﻱ ﺍﻧﻲ ﺍﻗﻔﻞ ﻛﻞ ﺑﺎﺏ ﻣﻨـﻪ ﺭﻳـﺢ *** ﻭﻗﻔﻞ ﺍﺫﻧﻲ ﻣـﻦ ﺳﻮﺍﻟﻴـﻒ ﺍﻟﺮﺧـﻮﻡ
ﻭﺍﺷﺮﻱ ﻧﺼﻴﺤﺔ ﺻﺎﺣﺐ ﺍﻟﻌﻘﻞ ﺍﻟﺮﺟﻴﺢ *** ﻻﻥ ﺍﻟﻨﺼﻴﺤﻪ ﺗﻨﺸـﺮﺍ ﺑﻴـﻦ ﺍﻟﻘـﺮﻭﻡ
ﻭﻳﺎﺻﺎﺣﺒﻲ ﻻﻫﻨﺖ ﺳـﺪﻙ ﻻﻳﺒﻴـﺢ *** ﺑﻴﻨﺘّﻬﺎ – ﻭﺍﻧﺘـﻪ ﺗﻈـﻦ ﺍﻧـﻚ ﻛﺘـﻮﻡ
ﻣﺎﺗﺪﺭﻱ ﺍﻥ ﺍﻟﻌﻴـﻦ ﻣﻨﻄﻘﻬـﺎ ﻓﺼﻴـﺢ ***ﻭﺍﻟﺼﺪ ﻭﺍﻻﻋﺮﺍﺽ ﻣﻦ ﻃﺒﻊ ﺍﻟﺨﺼﻮﻡ
ﻭﻣﻦ ﺿﻴﻘﺘﻚ ﻣا ضاق ﺒﻲ ﺍﻟﻜﻮﻥ ﺍﻟﻔﺴﻴـﺢ *** ﻭﻣﻦ ﺻﺪﺗﻚ ﻣﺎﻧﻲ ﻣﻦ ﺍﻟﺮﺯﻕ ﺍﻣﺤﺮﻭﻡ
ﻭﻳﺎﺧﻴﺒﺘﻚ ﺩﺍﻣﻚ ﻣﻦ ﺍﻟﻨﺎﺻـﺢ ﺟﺮﻳـﺢ *** ﺍﻟﻨُﺼﺢ ﻻﺗﺎﺧـﺬﻩ ﻫـﻢ ﻣـﻦ ﺍﻟﻬﻤـﻮﻡ
ﺍﺛﺮﻙ ﻣﻐـﺮﺭ ﺑﻴـﻦ ﺗﻄﺒﻴـﻞ ﻭﻣﺪﻳـﺢ *** ﻏﺮﻭﻙ ﻧﺎﺳﻚ ﻟﻴـﻦ ﻋـﺪﻭﻙ ﺍﻟﻨﺠـﻮﻡ
ﺗﺮﺍ ﻣﺎﻛﻞ ﺍﻟﻨـﺎﺱ ﺗﻬـﺮﺝ ﺑﺎﻟﺼﺤﻴـﺢ *** ﻟﻜـﻦ ﻻ ﺗﻨﻐـﺮ ﻓـﻲ ﺣـﺐ ﺍﻟﺨﺸـﻮﻡ
ﺍﻟﻨﺎﺱ ﻻﺷﺮﻫـﺖ – ﺗﻘـﻮﻝ ﻭﺗﺴﺘﺒﻴـﺢ *** ﺣﺘﻰ ﻭﻟﻮ ﺿﺤﻜﺖ ﻣﻌﻚ ﺗِﻠﺤﻘﻚ ﻟـﻮﻡ
ﻭﺍﻧﺎ ﻋﻄﻴﺘﻚ ﻧُﺼﺢ ﻣﻦ ﻗﻠـﺐٍ ﻧﺼﻴـﺢ *** ﻭﺍﻧﺖ ﺍﻋﺘﺒﺮﺕ ﺍﻟﻨُﺼﺢ ﺗﺠﺮﻳﺢ ﻭﻫﺠﻮﻡ
ﻭﺍﻧﺎ ﻣﻌﻚ ﻣﺨﻠﺺ – ﻭﺭﺟﺎﻝٍ ﺻﺮﻳـﺢ *** ﻟﻜﻦ ﺗﺪﺭﻱ – ﻗﺒﻞ ﻛِﺜﺎﺭ ﺍﻟﻌﻠـﻮﻡ
ﺍﻧﺎ ﻻﻣﻨـﻪ ﺻـﺎﺭ ﻗﻠﺒـﻲ ﻣﺴﺘﺮﻳـﺢ *** ﻣﺎﻟﻲ ﻭﺭﺍ ﻏـﺮﺍﺕ ﺧﻠـﻖ ﺍﻟﻠﻪ ﻟـﺰﻭﻡ
ﻣﻦ ﻗﺎﻡ ﺣﻈﻪ ﻗﻠـﺖ ﺟﻌﻠـﻪ ﻣﺎﻳﻄﻴـﺢ *** ﻭﻣﻦ ﻃﺎﺡ ﺣﻈﻪ ﻗﻠﺖ ﺟﻌﻠـﻪ ﻣﺎﻳﻘـﻮﻡ