نصيحتي للي تورط ودخن * زين له الشيطان شرب السجاره
عساه يصحى للنصيحة ويفطن * من قبل تسقط صحته واعتباره
ترى السجاير للحشى ما يفيدن * نارن وعارن وسقم حال وخساره
تتلف عليه الكبد والقلب والسن * والثوب كنه ممرحن فيه فاره
والوجه يظلم والشفايا تعفن * ويضيق منه من جلس في جواره
ولو وقت في جوفه لقيته كما الشن * وإلا الخراب الي تصدع جداره
وتلقى جراثيم الوباء فيه يرعن * وضيق التنفس وارتفاع الحراره
وليا خلص ما حصله زعل وانجن * وليا عطى خطن يضيع مساره
اخذ العوض فيها من الهيل والبن * كيف الرجال اهل الفخر والنعاره