من شاف لي شمر مخلصة الديون

من شاف لي شمر مخلصة الديون * شمر هل العادات عند مصيبها

عنابر العربان درعه والمتون * تمشي على خبث النفوس وطيبها

العزوة اللي ما تبيهم يلعنون * من لامني يلعن عدد ترحيبها

شمر كما يغيث يهل من المزون * وكل المراجل عقبهم مالي بها

البدو والحكام واللي يسمعون * اقولها ماني مستر عيبها

واليا عوا حدا الذيابه ينتخون * شمر هل العادات يشبع ذيبها

اهل السطر ما هي معرّكة الجفون * اهل اللحيسه عزوة ماصخيبها

سلام حربي ما يكسر باللحون * والنفس عند النذل ما يعطيبها

الشاعر عليان الجبري الحربي