Cart is empty 
مدرس العربي طردني من الحصة و اداني صفر في أعمال السنة وقالي ماتجيش إلا و ولي أمرك معاك.
ليه؟ عملت معاه إيه؟
أبداً طلب مني أقول بيت للبحتري، قولتله مبيعجبنيش، طردني.
ما شاء الله! البحتري مبيعجبكش! ليه؟
أصله منافق، مش هو وبس المتنبي و أبو تمام كمان!
التلاته منافقين.. إزاي!
– كانوا بيمدحوا عشان ياخدوا فلوس، وإن ماخدوش يشتموا. أهوه، اقرا حضرتك في مدح المعتز بالله:
إِذا بَدَا وجَلاَلُ المُلْكِ يَغْمُرُهُ حَسِبْتَهُ البَدْرَ وفَّي حُسْنَهُ الكَمَلُ
قام اداله بومبه ومرضاش يظَرَّفه، قام هَفُه قصيدة كلها شتيمة، اهوه اتفضل.
في ذم المعتز بالله:
لَئيمَ الجُدودِ وَالفِعالِ فَما لَهُ أَبٌ داخِلٌ في الأَكرَمينَ وَلا فِعلُ
وَإِذا الكَلبُ قاءَ جاءَ بِمِثلَي عَمِّكَ التافِهِ القَليلِ وَخالِك
زَخْرَفْتُ فِيكَ مَدِيحاً كُلُّهُ كَذِبٌ فكُنْتَ أَكْذَبَ مِن مَدْحِي وتَأْمِيلي
– بالذمة دي أخلاق يا بابا!
محاكمة علي بابا (1987)
“فيلم تليفزيوني”
قصة: أحمد رجب
سيناريو وحوار: عاطف بشاي
إخراج: إبراهيم الشقنقيري
