الصديق

صــديقك قــبل ما تمــاشيه قلــــبه

عوف الحچي وشوف اشضام قلبه

لأن الوفــا بهذا الزمــان .. قل بـه

تشوف أبيض الوجه وأسود النيـة

التكبر

وحق من بنا أرضه وفـوقها سـبعة

حتى العطر حطيته والغترة سبعة

إنــت يا مــولود بتسعة لـو سبعة

بعد ليش دا تتكبر عليا؟
عشرتك روحــــــــــــي

عشرتك روحــــــــــــي صدق ماتملها

وقلبي ايام ســـــــــــــــــــعدك ماتملها

اريد انصب لـــــــــــروحي مأتم الها

وشوفك هم تجي تبجي عليه؟

جروحك للشمس

جروحك للشمس ياصاح شرهن
وليالي الظــيم ماينـحمل شـرهن
الك عمـري رهنته وبعد شرهن
واظل مديون لاخر نفس بيه

ونينـي صـار

ونينـي صـــار قانــوني وعودي

أحن وعتب على الخانو وعودي

ليالي الفــرح رجـــعيلي وعودي

وحيــد وشبَّـت النيــران بيَّـه

اضل اكتب شعر

اضــل اكتب شــعر للزين وانشد
واضل اسال على الطيبين وانشد
اصير حزام وكت الضيج وانشد
واضل ممنون لليسال عليه

الأقراب

إذا مــا ضلت مــروة بالاقــراب

إذن اترس دمع عيني بالاقـراب

إرتياح السيف إذا نايم بالاقراب

أشو سيفك غفى ومرتاح بيه

أريد ابچي

أريد ابچي على روحي و أنا حي

والدنيا ضــاقت بعيني و أنا حــي

صــديج الما يواصــلني و أنا حي

ل مت ما بيه يبچي علية

تجلد

تــجلد لا يــــرك عــزمك وبــــاسك

ولــخيك هــضم لا تشتكي وبـــاسك

اش كم صاحب ضحك يمك وباسك

بحلچه و بالقلب مليون نيه 

تروض يا قلب

تروض يا قلب على الضيم رضوك

إزعلت منهم ولا فد يــوم رضــوك

مثل رض الزجاح بحجر رضــوك

رض وقاموا يطشون بيه